Aİ liderləri Viktor Orbanla yeni danışıqlar aparmaq istəyir

"Ukrayna ilə Rusiya arasında müharibəyə son qoymaq üçün ABŞ vasitəsilə danışıqlar yenidən davam etdirilməlidir".

Bunu Ukrayna Prezidenti Volodimir Zelenski "Telegram" kanalında yayımladığı videoda bildirib.

O qeyd edib ki, danışıqlarda yaranmış fasiləyə son qoymaq və müzakirələr aparmaq üçün bütün səylər göstəriləcək.

"Ukrayna nümayəndə heyəti bu həftə sonu ABŞ-yə gedəcək və şənbə günü görüşlər baş tutacaq", – deyə o bildirib.

Zelenski ABŞ-də keçiriləcək danışıqlar barədə Rustem Umerov, Kiril Budanov və David Araxamiya ilə ətraflı müzakirələr apardığını, eyni zamanda görüşlərdə Sergey Kislitsianın da iştirak edəcəyini bildirib.

Bu arada, Avropa İttifaqı liderləri Ukraynaya nəzərdə tutulmuş 90 milyard avro məbləğində vacib kreditin gecikməsini aradan qaldırmaq üçün Macarıstanın Baş naziri Viktor Orbanla yeni danışıqlar aparacaqlarını bildiriblər.