Beynəlxalq Cinayət Məhkəməsinin qərarı heçə sayıldı | Netanyahunun səfərində nələr yaşandı?

İsrailin Baş naziri Benyamin Netanyahu Macarıstana rəsmi səfər edib.

Səfər Baş nazir Viktor Orbanın dəvəti ilə baş tutub. Tərəflər regional mövzularla yanaşı, İsrail Qəzza mövzusunu da müzakirə ediblər.

Netanyahunun məhz Macarıstana səfəri Orbanın Beynəlxalq Cinayət Məhkəməsinin qərarına qarşı getməsi kimi də qiymətləndirilir.

Xatırladaq ki, 2024-cü ilin noyabrında Beynəlxalq Cinayət Məhkəməsi “Qəzza zolağında hərbi cinayətlərə görə” İsrailin Baş nazirinin həbsinə dair order verib. Roma statutuna əsasən, o, ayağını hansı ölkənin ərazisinə qoyarsa, həbs olunmalı idi. Macarıstan rəhbərliyi isə bu qərarın icra olunmayacağına hüquqi zəmin yaratmaq üçün İsrail Baş nazirinin səfərindən bir gün əvvəl Beynəlxalq Cinayət Məhkəməsində üzvlüyünü dayandırıb.