Buşehr AES ərazisinə zərbə endirilib | ABŞ Tehrana kritik zərbə vuracaq? - Baku TV

İsrail və ABŞ İranın cənub-qərbindəki Buşehr Atom Elektrik Stansiyası yaxınlığına zərbə endirib.

Bu barədə İranın Atom Enerjisi Təşkilatı xəbər yayıb.

Məlumata görə, zərbələr nəticəsində stansiyaya heç bir ziyan dəyməyib, insan tələfatı qeydə alınmayıb.

Təşkilat mərminin Atom Elektrik Stansiyasının ərazisinə düşdüyünü açıqlayıb. İlkin məlumata görə, heç bir texniki nasazlıq baş verməyib.

Bu arada, ABŞ Prezidenti Donald İranda 10 milyard dollar dəyərində olan böyük elektrik stansiyasını məhv edə biləcəkləri barədə xəbərdarlıq edib.

“Əgər biz bunu daha çox insan həlak olmadan, dəyəri 10 milyard dollar olan, tamamilə yeni və onlar üçün çox dəyərli elektrik stansiyasını dağıtmadan edə bilsək, yaxşı olardı”, – deyə Tramp münaqişənin dayandırılmasından danışarkən vurğulayıb. O, həmin elektrik stansiyasının adını açıqlamayıb.