İsrail Ordusunun hücumu nəticəsində ölən və yaralananlar var

İsrail Ordusu Livanın Tir şəhərinə genişmiqyaslı hava zərbələri endirib.

Bu barədə Livan Səhiyyə Nazirliyi məlumat yayıb.

Nəticədə, 8 nəfər ölüb, daha 32 nəfər yaralanıb.

Hücumdan əvvəl İsrail Müdafiə Qüvvələri münaqişənin başlanmasından bəri ilk dəfə olaraq Tir şəhərinin sakinlərini təxliyə olunmağa çağırıb. Ən güclü zərbə Tir şəhərinin şərq kənarına endirilib.

Livan Səhiyyə Nazirliyinin hesabatına əsasən, ölkədə martın 2-dən bəri İsrailin hücumlarında ölənlərin sayı 3 666 nəfərə çatıb. Bildirilib ki, ümumilikdə 11 321 nəfər isə xəsarət alıb.

Qeyd edək ki, martın 2-də İsrail "Hizbullah"ın İrana dəstək kimi İsrailə hücum etməsini əsas gətirərək Livanda hərbi əməliyyatlara başlayıb.