Mançester meri Baş nazirə meydan oxuyur?

Britaniyalı millət vəkili Coş Saymons Böyük Mançester meri Endi Bernemin Vestminsterə qayıtması və Baş nazir Kir Starmerə meydan oxumasına yol açmaq məqsədilə millət vəkili vəzifəsindən istefa verir.

Bu barədə deputat "X" sosial şəbəkə hesabında yazıb.

Meykerfild seçki dairəsini təmsil edən 32 yaşlı siyasətçi seçicilərinə müraciət edərək, xalqı və doğma ölkəsini hər şeydən üstün tutduğunu, buna görə də parlament mandatını güzəştsiz təbiəti, enerjisi və böyük cəsarəti ilə seçilən bir liderə təhvil verdiyini bildirib.

Starmerin istefa verəcəyi təqdirdə, Leyboristlər Partiyası tərəfindən Baş nazir vəzifəsinə ən çox ehtimal olunan namizəd hesab edilən Endi Bernhemdir.

2017-ci ildən bəri Böyük Mançesterə rəhbərlik edən siyasətçi hökumət başçısı vəzifəsinə namizəd olmaq üçün əvvəlcə parlamentə qayıtmalıdır və bunun üçün ona boş bir yer lazımdır.