Polşa və Fransanın Kiyevlə bağlı mövqeyi necədir?

ABŞ Prezidenti Donald Trampın sülh planına dünyadan reaksiyalar gəlməyə davam edir.

Ukraynada müharibə davam edən bir vaxtda Ağ Ev liderinin sülh planının bəndləri 19-a endirilsə də, birmənalı qarşılanmayıb.

“Biz sülhdən danışmaq istəyirik. Lakin hansı sülhdən söhbət gedir? Ukraynanın dəvət olunmadığı? Biz Kiyevin təslim olmasını qəbul etmirik. Bu bizim üçün çox vacib bir məqamdır”, ‒ deyə Fransanın müdafiə naziri Ketrin Votren söyləyib.

Polşanın müdafiə naziri Vladislav Kosinyak-Kamış isə öz növbəsində bildirib:

“4 ildir ki, ukraynalılar qəhrəmancasına ölkələrini müdafiə edirlər. Ukrayna sülhə layiqdir. Ədalətli sülh üçün onun fikri nəzərə alınmalıdır. Bu məsələdə Kiyevi siyasi, humanitar və hərbi baxımdan dəstəkləyən Polşa və Fransanın mövqeyi eynidir. Ukrayna qəbul etmədiyi halda və onların iştirakı olmadan sülhdən söhbət gedə bilməz”.