“Vəziyyət son dərəcə təhlükəlidir” | ABŞ gizli şəkildə İrana hücum edəcək? - Baku TV

Qətərin "Al Araby" telekanalının İranın paytaxtı Tehrandakı ofisi raket atəşinə məruz qalıb.

Zərbə nəticəsində ofisin yerləşdiyi bina ciddi şəkildə zədələnib. Redaksiya əməkdaşları təhlükəsizlik məqsədilə təxliyə ediliblər.

"Mən ofisdən reportaj aparırdım, bu zaman qəfildən binaya raket düşdü. Vəziyyət son dərəcə təhlükəlidir, fotoqraf həmkarlarım bizimlədir. Bina açıq-aydın dağılıb, hadisəyə görə küçəyə insan kütləsi toplaşıb", – deyə telekanalın əməkdaşı bildirib.

"ABŞ Tehrana göndərdiyi danışıqlar barədə açıq siqnallara baxmayaraq, gizli şəkildə İrana quru hücumu planlaşdırır". Bu barədə İran parlamentinin sədri Məhəmməd Baqer Qalibaf açıqlama verib.

Onun sözlərinə görə, İran istənilən quru hücumunu dəf etməyə hazırdır.