Kot-d'İvuarda yerləşən neft-qaz yatağından 2023-cü ildən hasilata başlanılıb - Baku TV

SOCAR Kot-d’İvuarda yerləşən “Baleine” neft-qaz yatağının işlənməsi layihəsində 10 faiz iştirak payının alınması ilə bağlı “Eni” şirkəti ilə saziş imzalayıb.

Sənəd Ümumdünya İqtisadi Forumunun 2026-cı ildə keçirilən İllik Toplantısı çərçivəsində imzalanıb.

SOCAR-ın yaydığı məlumatda deyilir ki, sənəd şirkətə Afrika qitəsinin zəngin neft-qaz resurslarına çıxışını təmin etməklə yanaşı, şirkətin qlobal genişlənmə strategiyasına tam uyğundur.

Sazişin icrası və əməliyyatın yekunlaşması müvafiq tənzimləyici qurumlardan razılıqların alınmasından, eləcə də digər standart şərt və tələblərin yerinə yetirilməsindən asılıdır.

Qeyd edək ki, “Baleine” Qərbi Afrikada son illərdə aşkar edilən ən iri neft-qaz yataqlarından biri hesab olunur. Dənizdə yerləşən nəhəng neft və qaz yatağı 2021-ci ildə kəşf edilib və 2023-cü ildə hasilatına başlanılıb.