Nazirlər Kabinetindən SOCAR-la bağlı qərar | Dəyişikliklər açıqlandı

Nazirlər Kabineti “Xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”, eyni zamanda “Azərbaycan ərazisinə gətirilən aksizli malların aksiz dərəcələri” ilə bağlı qərarlarında dəyişiklik edib.

Baş nazir Əli Əsədovun imzaladığı Qərara əsasən, SOCAR-ın 2025-ci il yanvarın 1-dən iyunun 1-dək idxal etdiyi “Aİ-92” benzini və dizel yanacağı üçün müvafiq olaraq 83 min ton və 18 min ton yuxarı hədd müəyyən edilib.

Bundan başqa, mühərrik və aviasiya benzinləri istisna olmaqla bütün benzin növlərinin, eləcə də digər qazoyllar, o cümlədən dizel yanacağının ölkəyə idxalı üçün aksiz dərəcəsi iyunun 1-nə qədər hər ton 1 manat müəyyən edilib.