SOCAR-ın təşkilatçılığı ilə maarifləndirici təlimlər keçirilib - Baku TV

SOCAR-ın təşkilatçılığı ilə Bakı şəhərinin Sabunçu rayonunda yerləşən 28 və 90 nömrəli, həmçinin Yasamal rayonunun 225 nömrəli tam orta ümumtəhsil məktəblərində sosial məsuliyyət mövzusunda maarifləndirici təlimlər təşkil olunub.

“EcoHub”la tərəfdaşlıq çərçivəsində keçirilən təlimlərdə şagirdlərə sosial məsuliyyət anlayışının mahiyyəti, onun cəmiyyətin inkişafındakı rolu barədə ətraflı məlumat verilib.

Təlimdə həmçinin enerji və ətraf mühit mövzularına toxunularaq enerji resurslarından səmərəli istifadə, ekoloji tarazlığın qorunması və dayanıqlı inkişaf prinsiplərinin əhəmiyyəti diqqətə çatdırılıb.

Tədbir çərçivəsində SOCAR-ın fəaliyyəti, korporativ dəyərləri, sosial məsuliyyət təşəbbüsləri və layihələri haqqında təqdimat edilib.

İnteraktiv formatda keçirilən görüşlər zamanı şagirdlərin sualları cavablandırılıb, fəallığı ilə seçilən iştirakçılara SOCAR adından xatirə hədiyyələri təqdim olunub.