Azad olunan ərazilər bərpa olunarkən nələrə diqqət edilir?

“Azad edilən 12 şəhərdən 8-nin Baş Planı təsdiq olunub, 4 şəhər üzrə isə işlər yekunlaşmaq üzrədir”.

Bu sözləri Dövlət Şəhərsalma və Arxitektura Komitəsinin sədri və WUF13-ün milli koordinatoru Anar Quliyev jurnalistlərə açıqlmasında deyib.

Komitə sədri bildirib ki, Böyük Qayıdış Dövlət Proqramı çərçivəsində yüzlərlə kəndin planlaşdırılması da həyata keçirilir:

“Yaşayış məntəqələrinin ölçüsündən, yerləşdiyi ərazinin coğrafi çətinliklərindən və landşaftından asılı olmayaraq, biz hər birini 20 illik inkişaf perspektivi nəzərə alınmaqla planlaşdırmışıq. Məhz bu planlar əsasında həm yenidənqurma aparılır, həm də sakinlərin öz doğma yurdlarına qayıdışı təmin olunur”.