"Bu, tamamilə yersizdir" | Fazil Mustafadan Naxçıvanın statusu ilə bağlı təklif - Baku TV

“Naxçıvan Muxtar Respublikasının dövlət tanıtımı Konstitusiyadan çıxarılmalıdır”.

Bu fikri İctimai birliklər və dini qurumlar komitəsinin sədri, deputat Fazil Mustafa Milli Məclisin bu gün keçirilən plenar iclasında səsləndirib.

Onun sözlərinə görə, parlamentdə “Naxçıvan Muxtar Respublikasının Konstitusiyasında dəyişikliklərin təsdiq edilməsi haqqında” qanun layihəsi müzakirə olunur və sənəddə diqqət çəkən məqamlar var:

“Qeyd edilir ki, Naxçıvan Muxtar Respublikası Azərbaycanın ayrılmaz tərkib hissəsidir. Ardınca isə Naxçıvan MR-in dövlət rəmzlərindən bəhs olunur. Əgər artıq Azərbaycanın ayrılmaz tərkib hissəsidirsə, “dövlət” anlayışının ayrıca şəkildə Konstitusiyada qeyd olunması yersizdir”.