Pleyeri seçin:
ABŞ-nin Ermənistandakı səfirindən ədalətli mövqe
ABŞ-nin Ermənistandakı fövqəladə və səlahiyyətli səfiri Kristina Kuin Qarabağ ermənilərinin Azərbaycanın tərkibində təhlükəsiz yaşamasını mümkün hesab edir. Diplomat bu barədə Ermənistan İctimai Televiziyasının efirində bildirib.
“Biz bunun mümkün olduğuna inanırıq və ümid edirik ki, bütün tərəflər bunu reallığa çevirmək üçün birlikdə çalışacaq. ABŞ hesab edir ki, bu düzgün yanaşmadır. Biz tərəfləri müəyyən edilmiş hüquqların və təhlükəsizliyin təmin edilməsi üçün birgə səylər göstərməyə çağırırıq”, – deyə səfir qeyd edib.
K.Kuin vurğulayıb ki, tərəflər Qarabağda yaşayan ermənilərin hüquqlarının və təhlükəsizliyinin təmin edilməli olduğuna dair öhdəliklərinə sadiq olduqlarını təsdiqləyiblər və indi bunu təmin etmək üçün bir yol tapmalıdırlar.
Kopyalandı
Seçilmişlər
