Avropalı deputatdan Orbanın Zirvə görüşündə iştirakına sərt reaksiya

Macarıstanın Baş naziri Viktor Orbanın Türk Dövlətləri Təşkilatının Qarabağda keçirilən sammitində iştirakı Avropa Birliyi üçün qalmaqaldır.

Bunu Avropa Parlamentinin deputatı Natali Luazo deyib.

“V.Orbanın Türk Dövlətlərinin Sammitində Şimali Kipr təmsilçisi ilə, hətta Qarabağ şəhərində iştirakı Macarıstan üçün biabırçılıq, Avropa üçün isə qalmaqaldır. Macarıstanın Baş naziri V.Orban Kipr problemini şübhə altına alırmı?” – o bildirib.

Qeyd edək ki, bundan öncə Avropa Birliyi baş diplomatı Cozef Borrel də “narahatlığını” ifadə etmişdi. N.Luazonun “hətta Qarabağ şəhərində iştirakı” sözləri isə siyasi əxlaqsızlığın son həddini də aşmaqdır.

Şuşa Azərbaycanın şəhəri, Qarabağ Azərbaycan ərazisidir və bu, bütün beynəlxalq təşkilatlarda hər zaman belə də tanınıb. N.Luazonun bunu vurğulaması Avropa Parlamentində də hansı təfəkkür daşıyıcılarının təmsil olunduğunu göz önünə sərir. Təsadüfi deyil ki, Avropa Parlamenti vaxtaşırı olaraq Azərbaycana qarşı “qətnamələr” çıxarır.