Bir sıra müəssisələr və şəhid ailəsi ziyarət olundu - Baku TV

Leyla Əliyeva və Alena Əliyeva Gəncə Memorial Kompleksi ilə tanış olublar.

Prezident İlham Əliyev tərəfindən 2025-ci il sentyabrın 27-də – Anım Günündə açılışı həyata keçirilən bu Kompleks İkinci Qarabağ müharibəsi zamanı Ermənistanın raket hücumlarının qurbanı olan günahsız insanların əziz xatirəsini əbədiləşdirmək və müharibənin acı reallıqlarını gələcək nəsillərə çatdırmaq məqsədi daşıyır.

Leyla Əliyeva və Alena Əliyeva həmçinin Gəncədə Milli Qəhrəman Natiq Qasımovun ailəsini ziyarət edib.

Görüş zamanı qəhrəmanımızın xatirəsi dərin hörmətlə yad edilib, ailə üzvləri ilə səmimi söhbət aparılıb, şəhidin şərəfli ömür və döyüş yolu bir daha xatırlanıb.

Leyla Əliyeva və Alena Əliyeva Gəncədə Şah Abbas məscidini də ziyarət ediblər, onlara "Qurani-Kərim" hədiyyə olunub.

Gəncənin mərkəzində yerləşən bu abidə orta əsr Azərbaycan memarlığının portal-günbəz ənənələrini, lakonik və ifadəli bədii-konstruktiv xüsusiyyətlərini özündə birləşdirir.

Leyla Əliyeva və Alena Əliyeva Gəncədə 4 nömrəli uşaq evində, Gəncə şəhər Fizika, riyaziyyat və informatika təmayüllü liseydə fəaliyyət göstərən STEAM mərkəzində və Gəncə şəhər 37 nömrəli tam orta məktəbdə də olublar.

Səfər çərcivəsində Leyla Əliyeva və Alena Əliyeva Gəncə Dövlət Dram Teatrında "İsi və Piti" animasiya serialının premyerasında iştirak ediblər. Eləcə də Gəncədə qadın sahibkarın sağlam qida brendi ilə tanış olublar.