Diqqət: "Rəhbər" separatçı David Babayan açıqladı: Təslim oldum, Şuşaya gedirəm

Xankəndidə separatçıların “rəhbəri”nin müşaviri David Babayan könüllü olaraq Azərbaycana təslim olacağını bildirib.

D.Babayan bu barədə öz feysbuk hesabında paylaşım edib.

“Hamınız yaxşı bilirsiz ki, mən Azərbaycan hakimiyyəti tərəfindən adı qara siyahıya salınmış adamlardanam. Azərbaycan tərəfi mənim barəmdə müvafiq araşdırma aparmaq üçün Bakıya gəlməyimi tələb edib. Buna görə də mən qaçmaq, gizlənmək fikrində deyiləm.

Bu gün Xankəndidən Şuşaya getmək qərarına gəldim. Bilirəm ki, bu qərarım ailəm və erməni xalqı tərəfindən birmənalı qarşılanmayacaq. Onların bunu anlayışla qəbul edəcəklərinə ümidvaram. Mənim qaçmağım və ya gizlənmək istəyim daha böyük problemlərə səbəb ola bilər. Ona görə də ən doğru olanı etmək qərarına gəldim”, – deyə D.Babayan bildirib.