Siyasət
Pleyeri seçin:
Erməni fəal İrəvanın təxribat karvanından danışdı
“Şəxsən mən hesab edirəm ki, şərti sərhəddəki humanitar karvanla bağlı məsələ təxribatdır”.
Bunu tanınmış erməni fəal İşxan Verdyan deyib.
O bildirib ki, Nikol Paşinyan orada guya darda olan insanlara kömək etmək istəsəydi, buna asan yolla nail ola bilərdi. Bunun üçün rəsmi şəkildə Azərbaycana müraciət edərək humanitar yükün Qarabağa çatdırılmasını xahiş etmək lazım idi:
“Əminəm ki, N.Paşinyan belə etsəydi, Azərbaycan buna şərait yaradacaqdı. Çünki bu addımla Ermənistanın Baş naziri nümayiş etdirərdi ki, Qarabağ Azərbaycandır və o, Azərbaycandan ərazisinə daxil olmaq üçün icazə istəyir. Lakin N.Paşinyan bunu etmədi, baxmayaraq ki, Azərbaycanın ərazi bütövlüyünü tanıdığını dəfələrlə bəyan edib. N.Paşinyan sadəcə şou yaratmaq istəyib. O karvan elə orada da qalacaq və sonda geri qayıtmalı olacaq. Bütün bunlar sadəcə dünya ictimaiyyətinin diqqətini cəlb etməyə hesablanıb. Ona görə hazırda baş verənlər təxribatdan başqa bir şey deyil”.
Kopyalandı
Seçilmişlər
