Ermənistan yenidən müharibəyə sürüklənir | Qərb çirkin əməllərindən əl çəkmir

Ermənistan yenə Qərbin diktəsi ilə Azərbaycana qarşı təxribata sürüklənir.

Dənizlərə çıxışı olmayan qonşu dövlət Sena çayına yelkən açıb. Elə həmin çay kimi, siyasəti də natəmiz olan Fransa-Ermənistan cütlüyü Cənubi Qafqazda kiçik “uğur” axtarışlarına çıxıb.

Bəzi analitiklər elə hesab edirlər ki, revanş cəhdləri Ermənistanın ali siyasi rəhbərliyinin qərarlarına bağlı deyil.

Politoloq Qədir Aslan bildirib ki, hələ də Ermənistanda vahid siyasi monolitlik təmin edilməyib:

“Bəzi maraq qrupları var ki, onlar Nikol Paşinyanın iradəsinə tabe olmaq istəmirlər və son dəfə öz təxribatlarını törətmək istəyəcəklər. Bu gerçəkləşmə ehtimalı böyük olan məsələdir. Bilirsiniz, bu yaxınlarda onların hökumətində bir sıra insanlar istefaya getdilər. Onların içində revanşist təfəkkürlü məmurlar, rəhbərlər var idi”.