Erməniyə diasporluq edən fransalı nazir
Fransa xarici işlər naziri Ermənistan səfəri ilə bağlı sosial şəbəkə paylaşımında Ağrı dağının görüntüsündən istifadə edib.
Bu barədə Türkiyənin Ədalət və İnkişaf Partiyasının sözçüsü Ömər Çelik mətbuat konfransı zamanı deyib.
“Əgər bu, cahillikdən qaynaqlanmırsa, çox böyük bir səhvdir. Bu onun siyasətdən, diplomatiyadan bixəbər olduğunu, Qarabağın əsl sahibinə qayıtdığından narahatlığını və erməni diasporunun sözçüsü kimi davrandığını göstərir. O paylaşım silinməlidir”, – deyə Ömər Çelik qeyd edib.
Qranadada keçirilməli olan görüşdən bəhs edən Ömər Çelik Türkiyənin iştirak etməməsi məsələsinə də toxunub.
“Qranadada qurulacaq masada Türkiyənin olmamasının mənası budur ki, Avropa Birliyi Qarabağın əsl sahiblərinə qayıtmasından narahatdır və erməni diasporunun tələbləri ilə siyasi profil yaratmağa çalışırlar. Həqiqətən regionda sülh istəyənlər o masada Türkiyənin olmasını istəyər. Amma bunu niyə etmirlər? Məqsəd yenə təktərəfli, ədalətsiz siyasətlərini davam etdirməkdir”, – deyə Ömər Çelik əlavə edib.
#Fransa XİN teqi istifadə olunub
- Fələstin və İsrail üçün regional təşkilat yaradıla bilər
- ABŞ dövlət katibi və Fransa XİN rəhbəri arasında vacib danışıq
- Fələstini dövlət kimi tanımaq məsələsi mübahisələri gücləndirdi
- Qəzzanın taleyi Vaşinqtonda müzakirə edildi | ABŞ və Fransa sülh istəyir?
- Ermənistandan daha çox erməni olan Fransa | İflasa uğrayan Makron siyasəti
