İrandan Azərbaycan və Türkiyəyə qarşı bağışlanmaz addım | İkiüzlülüyün pərdəarxası

İranda baş vermiş son hadisə bir daha İranın riyakarlığını və ikiüzlülüyünü göstərir.

Görünür, Azərbaycan Prezidentinin regionda, xüsusilə Güney azərbaycanlılar arasında artan nüfuzu İranı ciddi şəkildə narahat edir.

İranın mərsiyə məclislərində Azərbaycan və Türkiyə əleyhinə siyasi çağırışlar səsləndirilir. Hamımıza məlumdur ki, belə dini tədbirlər İran dövləti və SEPAH tərəfindən təşkil və idarə olunur. Əgər bu cür addımlar İrana qarşı atılsaydı, artıq böyük qalmaqal yaradardılar.

Bəs Prezidentə qarşı bu təhqirlər səsləndiriləndə niyə susurlar? Yoxsa bu elə onların öz təşkil etdikləri bir oyundur?

ABŞ Qasım Süleymanini öldürəndə heç bir reaksiya verə bilməyiblər. Suriyadan onları qovublar, amma yenə də bir addım ata bilməyiblər. Həsən Nəsrullahı İsrail məhv edib, yenə də səssiz qalıblar. Əgər cəsarətləri varsa, gedib İsrailə cavab versinlər.

Gücləri yalnız Azərbaycanın səfirliyinə hücum etməyə çatır. Bu hücumun arxasında SEPAH dururdu və həmin terrorçu agent hələ də edam edilməyib. Baxmayaraq ki, artıq iki il keçib. Azərbaycan bu addımı gözləyir və əgər İranda kimsə düşünürsə ki, Bakı bu tələbdən geri çəkiləcək, ciddi yanılır. Bu, diplomatik münasibətlərin normallaşması üçün əsas şərtdir.

Hüseyn Əmir Abdullahian Bakıda olarkən söz vermişdi ki, bu adam edam ediləcək. Belə addımlar İranın əsl niyyətlərini və davranışlarını bir daha ortaya qoyur. Azərbaycan öz mövqeyindən çəkinməyəcək.