Siyasət
Pleyeri seçin:
Stoltenberq və Şolts Ukrayna məsələsini müzakirə etdi
“Biz hamımız Ukraynadakı müharibənin bitməsini istəyirik”.
Bu barədə NATO Baş katibi Yens Stoltenberq Berlində Almaniya Kansleri Olaf Şoltsla keçirdiyi mətbuat konfransında bildirib.
“Ukraynanın öz torpaqlarını azad etmək hüququ var. Hazırda əks-hücum əməliyyatı davam edir. Ukraynalılar nə qədər çox ərazi azad etməyi bacarsa, onların əli danışıqlar masasında bir o qədər güclü olacaq. Biz hamımız istəyirik ki, bu müharibə bitsin. Lakin ədalətli sülh münaqişəni dondurmaq və Rusiya tərəfindən diktə edilmiş razılaşmanı qəbul etmək demək deyil”, – deyə Baş katib qeyd edib.
“Ukrayna qələbə qazanmayanadək üzvlüklə bağlı müzakirələr də mümkün deyil”, – deyən Y.Stoltenberq qeyd edib ki, NATO BMT Nizamnaməsində də qeyd olunduğu kimi, özünümüdafiə hüququnun gücləndirilməsi üçün Ukraynanın yanındadır.
Almaniya Kansleri Olaf Şolts da öz növbəsində qeyd edib ki, ölkəsi lazım olduğu müddətcə Ukraynanı dəstəkləməyə davam edəcək.
Kopyalandı
Seçilmişlər
