Sülhə nail olmanın Azərbaycan təcrübəsi | "Biz bundan əziyyət çəkirdik..." - Baku TV
“Biz dünya miqyasında nadir bir təcrübəyə malikik – milyonlarla insanın etnik təmizləməyə məruz qaldığı işğal şəraitində yaşamaq təcrübəsi”.
Bu sözləri Prezident İlham Əliyev XIII Qlobal Bakı Forumunun açılış mərasimindəki çıxışında deyib.
Dövlət başçısı qeyd edib ki, təqribən 30 il ərzində ərazimizin təxminən 20 faizi işğal altında olub:
“Biz beynəlxalq ictimaiyyət tərəfindən bu məsələyə lazımi diqqətin göstərilməməsindən və münaqişə ilə məşğul olmalı olan bəzi beynəlxalq aktorların selektiv yanaşmasından əziyyət çəkirdik. Təxminən 30 il ərzində BMT Təhlükəsizlik Şurasının Ermənistan Silahlı Qüvvələrinin ərazilərimizdən çıxarılmasını tələb edən qətnamələri yalnız kağız üzərində qalırdı. Beləliklə, bu, bir təcrübədir, amma bu, mənfi təcrübə olmuşdur.
Daha sonra 2020-ci ilin 44 günlük Vətən müharibəsi zamanı ərazilərimizi güc vasitəsilə azad etmək təcrübəsini qazandıq və düşünürəm ki, bu da mühüm göstəricidir. Əgər sülh yolu ilə həll üçün bütün ümid itir, ancaq həqiqət və ədalət, beynəlxalq hüquq sizin tərəfinizdədirsə, sülhə nail olmaq üçün gücdən istifadə etmək zəruridir. Məhz belə də oldu. Biz əvvəlcə güc tətbiq etməklə, daha sonra isə siyasi yollarla Ermənistanla sülhə nail olduq”.
#İlham Əliyev teqi istifadə olunub
- Trampın İranla bağlı istəyi | Azərbaycanda idmanın inkişafı | Avropanın gizli oyunu - YENİ BİR SƏHƏR
- İlham Əliyevə Ukraynanın İrpen şəhərinin fəxri vətəndaşı adı verildi - Baku TV
- Avropa çempionatında komanda hesabında çempion olan güləşçilər Prezidentin qəbulunda
- Avropa yarışlarında idmançılarımıza qarşı ədalətsizlik niyə çox olur? - Baku TV
- “Çox nümunə var ki...” | Prezident idmançıların gündəlik həyatda davranışlarından danışdı - Baku TV
