Tramp İsrail parlamentində çıxış edəcək

ABŞ Prezidenti Donald Trampın oktyabrın 13-də Yaxın Şərqə planlaşdırılan yüksək səviyyəli səfəri dünya mediasının diqqət mərkəzindədir. Ağ Evin rəsmi məlumatına görə, ABŞ lideri əvvəlcə İsrailə yollanacaq, burada ölkə Prezidenti İsxak Hersoq və Baş nazir Benyamin Netanyahu tərəfindən qarşılanacaq. Səfərin əsas məqamları girovların ailələri ilə görüş və daha sonra saat 11:00 radələrində İsrail parlamentində — Knessetdə vacib çıxış etməkdir. Bu çıxışın ABŞ-ın regional siyasətində yeni mesajlar ehtiva edəcəyi gözlənilir. Səfər proqramının ardınca Tramp Qəzza zolağında atəşkəs sazişinin imzalanması üçün Misirin Şarm əl-Şeyx şəhərində keçiriləcək "Sülh Sammiti"nə qatılacaq. Qeyd edək ki, Misirə səfər edəcək Türkiyə Prezidenti Rəcəb Tayyib Ərdoğanla yanaşı, Azərbaycan da bu tarixi sammitə dəvət alan ölkələr sırasındadır.