Tramp Nobel Sülh Mükafatı yolunda | Dəstəkləyənlər arasında İlham Əliyev də var
Yeniliklərdən dərhal xəbərdar olun
Ağ Ev administrasiyası ABŞ Prezidenti Donald Trampın Nobel Sülh Mükafatına namizədliyini fəal şəkildə təşviq edir. Bu məqsədlə dövlət başçısına dəstək ifadə edən xarici liderlərin siyahısı açıqlanıb.
Siyahıda Azərbaycan Prezidenti İlham Əliyev, Ermənistanın Baş naziri Nikol Paşinyan, Kambocanın Baş naziri, Qabon Prezidenti, İsrailin Baş naziri, Pakistan hökuməti və Ruandanın xarici işlər naziri də yer alır.
Tramp beynəlxalq arenada sülhməramlı fəaliyyətlərini dəfələrlə vurğulayıb. Onun sözlərinə görə, Ruanda–Konqo, Hindistan–Pakistan, Serbiya–Kosovo münasibətlərinin normallaşması, Misir və Efiopiya arasında sülhün qorunması və İsraillə bir sıra ərəb ölkələri arasında imzalanan “Avraam razılaşmaları” prosesində mühüm rol oynayıb.
ABŞ Prezidenti həmçinin Rusiya–Ukrayna müharibəsinin dayandırılması üçün də təşəbbüslər göstərib, lakin hələlik ciddi nəticələr əldə olunmayıb.
Maraqlı məqam odur ki, Trampın Nobel Sülh Mükafatına namizədliyi Vaşinqtonda keçirilən üçtərəfli görüş zamanı gündəmə gəlib. Prezident İlham Əliyev Ermənistanın Baş naziri Nikol Paşinyanla birlikdə Nobel Komitəsinə müraciət etməyi təklif edib.
Qeyd edək ki, 2025-ci ildə Nobel Sülh Mükafatı üçün 338 namizəd mübarizə aparır.
#Donald Tramp teqi istifadə olunub
- ABŞ Prezidentinin açıqlaması Vaşinqtonda ziddiyyət yaradıb
- Huanqın gedişi Çin üçün fürsətə çevrilə bilər? - "Nvidia" qalmaqalı ətrafında müzakirələr - Baku TV
- Tramp: "Sülh sazişinə Zelenski ilə Putin arasındakı şəxsi düşmənçilik mane olur"
- Trampdan Rusiya-Ukrayna müharibəsinin bitməsi ilə bağlı müsbət mesaj - Baku TV CANLI
- ABŞ İranla hansı razılaşmanı istəyir? | Tramp Çin səfərindən nələr qazandı? - Baku TV
