Siyasət
Pleyeri seçin:
Xankəndidə erməni sakinlərlə görüş keçirildi | AzQAC-dan məlumat
Azərbaycan Qızıl Aypara Cəmiyyətinin əməkdaşları Qarabağ İqtisadi Zonasında yaşayan erməniəsilli sakinləri ziyarət ediblər.
Cəmiyyətdən bildirilib ki, əsas məqsəd onların ehtiyaclarının qiymətləndirilməsi, yaşayış şəraitləri ilə tanışlıq olub. Həmçinin həmin sakinlərin ehtiyacları haqqında məlumat toplamaq üçün sorğu keçirilib.
Qeyd olunub ki, bu, təklif edilə biləcək yardım və dəstək xidmətlərinin müəyyənləşdirilməsi məqsədi daşıyır.
Bundan başqa, Beynəlxalq Qızıl Xaç Komitəsinin Xankəndidə yerləşən ofisində Azərbaycan Qızıl Aypara Cəmiyyətinin əməkdaşları ilə ikitərəfli görüş keçirilib.
Görüşdə Beynəlxalq Qızıl Xaç Komitəsinin Azərbaycandakı nümayəndələri Xankəndidə göstərdikləri fəaliyyətlər barədə Azərbaycan nümayəndə heyətinə ətraflı məlumat veriblər.
Kopyalandı
Seçilmişlər
