Yeni Kaledoniyada Fransaya qarşı aksiya | Bayrağımız dalğalandırıldı

Yeni Kaledoniyanın paytaxtı Numea şəhərində Fransa müstəmləkəçiliyinə qarşı növbəti etiraz aksiyası keçirilib.

Aksiyaya minlərlə insan qatılıb. İştirakçılar Fransanın müstəmləkəçilik siyasətinə qarşı şüarlar səsləndirib, müstəqillik tələb ediblər. Etirazlara Yeni Kaledoniyanın birinci şəxsi – Baş nazir Luis Mapu da qatılıb və aksiya iştirakçıları qarşısında çıxış edib.

Aksiyada Azərbaycan, BMT və Yeni Kaledoniyanın bayraqları qaldırılıb. Aksiya iştirakçıları hər zaman onların yanında olan ölkəmizə neokolonializmlə mübarizəyə dəstək olduğuna görə minnətdarlıqlarını ifadə etmək üçün Azərbaycanın dövlət atributunu ön cərgədə daşıyıb, tribunaya sancıblar. Hətta bəzi aksiya iştirakçılarının əynindəki köynəklərin üzərində Azərbaycan və Kanak bayraqlarının təsviri olub.

Xatırladaq ki, son vaxtlarda keçirilən bütün etiraz aksiyalarında Azərbaycana minnətdarlıq əlaməti olaraq Yeni Kaledoniya bayraqları ilə yanaşı, Azərbaycan bayraqları da dalğalandırılır.