Korsikalılar müstəqillik istəyir

Fransa hakimiyyətinin Korsika adasında yürütdüyü fransızlaşdırma siyasəti və korsikan dilini qadağan etməsi ilə bağlı ada sakinləri arasında sorğu keçirdik.

Korsikalılar “Baku TV”yə bildiriblər ki, adanın müstəqilliyə nail olması yerli əhalinin maraqlarına cavab verir.

“Mən korsikan dilinin qorunub saxlanılmasının tərəfdarıyam. Dilimizin, mədəniyyətimizin, ənənələrimizin qorunması bizim üçün çox vacibdir. Korsikan dilinin qadağan olunması rəsmi Parisin səhvidir. Çünki bu dil adada rəsmi dil statusu alıb. Səsimizin bütün dünyada eşidilməsini istəyirik. Biz istədiyimiz dildə rahat danışmaq istəyirik”, - deyə sakinlərdən biri qeyd edib.

Xatırladaq ki, Fransa hökumətinin Korsikada korsikan dilini qadağan etməsi adada böyük etirazlara səbəb olub.