10 manata satılan ətin mənşəyi nədir? | AQTA xəbərdarlıq etdi

Sosial şəbəkələrdə mal əti adı ilə camış əti satılır.

Üstəlik, bununla bağlı yayımlanan videoçarxda məhsulun camış əti olduğu qeyd olunmur. İnsanlar isə həmin məhsulu dana əti bilərək alırlar.

Baku TV-nin əməkdaşı məsələ ilə bağlı sözügedən məhsulun satıldığı ünvanda olub.

Satışı həyata keçirən şəxs öncə camış əti olduğunu bildirməyib. Ətin müvafiq sertifikatları əldə edildikdən sonra isə məhsulun camışın qol əti olduğunu etiraf ediblər.

Məsələ ilə bağlı Qida Təhlükəsizliyi Agentliyindən bildirilib ki, satışla bağlı görüntülər sosial şəbəkələrdən götürülərək araşdırmalara başlanılıb. Qeyd edilib ki, vətəndaşlar ət və ət məhsulları alarkən satıcıdan mənşə sənədini tələb etsinlər və bu məsələdə diqqətli olsunlar.