Cəmiyyət
Pleyeri seçin:
16 yaşlı qızla nikahsız yaşayan oğlan | Toyumda uşaq kostyumu geyindim - ARZUNUN VAXTI
Bir-birinə qoşulub qaçan və toyları sosial şəbəkələrdə müzakirələrə səbəb olan Ruslan və Yeganə cütlüyü Baku TV-yə danışıb.
Fiziki məhdudiyyəti olan 32 yaşlı Ruslan hazırda 16 yaşlı Yeganə ilə nikahsız yaşayır. Ruslanın sözlərinə görə, Yeganənin ailəsi fiziki məhdudiyyəti olduğu üçün onların ailə qurmasına razı deyil.
“Mənə uşaqlıqdan deyirdilər ki, ancaq özün kimi biri ilə evlənməlisən. Sağlam qıza sevgi etirafı edə bilmirdim ki, məni qəbul etməz. Nə evim, nə maşınım, nə də işim var. Yeganə sevgimə görə mənimlə gəlib”, – o söyləyib.
Tanışlıq hekayələrindən bəhs edən Yeganə isə deyib ki, Ruslanda əsas bəyəndiyi xüsusiyyət onun dürüstlüyüdür:
“Mənə yalan danışmamağı, dəyər verməyi xoşuma gəldi. Ruslan dedi ki, qüsurum var, məni istəməzsən. Dedim ki, qüsur insanın əqlində olur”.
Hazırda kirayədə qalan cütlük şəraitsiz vəziyyətdə yaşayır və köməyə ehtiyacları olduğunu bildirirlər.
Kopyalandı
Seçilmişlər
