Alimlər xəbərdarlıq etdi | Hansı tip məhsullardan qaçınmalıyıq?

Ultraemal olunmuş qidalar vaxtından əvvəl ölüm riskini artırır.

Alimlərin məlumatına görə, bu cür məhsullar təkcə xroniki xəstəliklərin inkişafına səbəb olmur, həm də əhalinin ölüm nisbətinin artması ilə birbaşa əlaqələndirilir.

Araşdırmalar zamanı məlum olub ki, bu cür məhsullar ürək-damar xəstəlikləri, şəkərli diabet, piylənmə, hətta neyrodegenerativ pozğunluqlar riskini artırır.

Tədqiqat göstərib ki, ultrayüksək emal olunmuş məhsulları çox istifadə edənlərdə ümumi ölüm riski 4 %, neyrodegenerativ xəstəliklərdən ölüm riski isə 8 % artıb. Bu nəticələr sübut edir ki, qidalanma sağlamlığa ciddi təsir göstərir və daha təbii, az emal olunmuş məhsullara üstünlük verilməlidir.

Elm adamları qeyd edirlər ki, əsas təhlükə təkcə məhsulların tərkibində deyil, həm də onların sənaye üsulu ilə emal edilməsindədir. Bu məhsullar tərkibində yüksək natrium, trans yağlar və şəkər saxlayır, sənaye emalı zamanı onların strukturunda dəyişikliklər baş verir. Süni rəngləndiricilər, aromatizatorlar, şirinləşdiricilər, emulqatorlar və digər kimyəvi əlavələr bu məhsullarda geniş istifadə olunur.