AMEA-nın eks-prezidenti Ramiz Mehdiyevin adı qurumun saytından silinib

Milli Elmlər Akademiyasının eks-prezidenti Ramiz Mehdiyevin adı qurumun saytındakı sabiq prezidentlər siyahısında yer almayıb.

Belə ki, Akademiyanın science.gov.az portalında, qurum haqqında olan bölmədə keçmiş 10 prezidentin adı yer alıb. Lakin R.Mehdiyevin adı həmin siyahıda qeyd olunmayıb.

Xatırladaq ki, R.Mehdiyev 2019-2022-ci illərdə Azərbaycan Milli Elmlər Akademiyasına rəhbərlik edib.

Qeyd edək ki, hazırda AMEA-nın prezidenti İsa Həbibbəylidir.