Atası narkotik çəkən idi | Videosu yayılan azyaşlının valideynləri ilə bağlı dəhşətli detallar
23 yaşlı anası tərəfindən amansızlıqla döyülən, işgəncəyə məruz qalan 3 yaşlı Mələyin sosial şəbəkədə yayılan videoları hər kəsi dərindən sarsıdıb.
Körpəyə qəyyumluq edən Cəmilə Nəsirovanın sözlərinə görə, uşağın atası narkotik aludəçisidir. Bu məlumatı ona Mələyi döydüyü üçün hüquq-mühafizə orqanları tərəfindən saxlanılan ana Fatimə Ramazanova verib.
Cəmilə Nəsirova bildirib ki, Fatimə Ramazanova övladına işgəncə verərkən tək olmayıb:
“Roma adlı sevgilisi var idi. Fatimənin rəfiqəsi “TikTok”da Mələyə işgəncə verilən videonu paylaşmışdı. Oğlum hesaba daxil olaraq yazıb ki, həmin videonu silin, Mələyin üzü görünür. Ona cavab yazıblar ki, Mələyin qarın, qol nahiyələrinə Roma dağ basıb. Azyaşlını Fatimə ilə yanaşı, Roma da döyürdü”.
“Azərbaycan Uşaqları” İctimai Birliyinin sədri Kəmalə Ağazadə qeyd edib ki, azyaşlının aldığı zərbələr onda psixoloji gərginlik yaradıb, hazırda vəziyyəti kafi qiymətləndirilir:
“Şükürlər olsun ki, Mələyin sınıqlarla bağlı ciddi fəsadları yoxdur. Amma bədənində, üzündə, başında çox ciddi travmalar var, toxumalar zədələnib, açıq yarası var. Tərbiyəçilərin, pedaqoqların nəzarəti onun üzərindədir”.
#Uşaq zorakılığı teqi istifadə olunub
- Bədənində sağlam yeri yoxdur | Ananın uşağına etdiyi dəhşətli əməllər ifşa olundu
- Məktəbdəki problemlərin həlli yolları
- 10 yaşlı oğlanı ailəsi diləndirib? | Bədənində yara izləri var
- Emin Əmrullayev: Şagirdlər evdə qalanda onlarla bağlı arzuolunmaz faktlar olub
- Bacılar ailələri tərəfindən zorakılığa məruz qaldı: Azərbaycanda tükürpədici hadisə
