Avtomobildən zibil atmağın cəriməsi nə qədərdir?

Gündəlik həyatımızda yol kənarını və ətrafı çirkləndirən sürücü və sərnişinlərlə tez-tez rastlaşırıq.

Bəs görəsən, bu əmələ görə qanunvericilikdə hansı məsuliyyət nəzərdə tutulub?

Baş Dövlət Yol Polisi İdarəsindən bildirilib ki, avtomobili idarə edən sürücünün kənara hər hansı əşyanı, tullantını atması İnzibati Xətalar Məcəlləsinin 327-ci maddəsinin 1-ci bəndinə uyğun olaraq 40 manat məbləğində cərimə ilə məsuliyyət nəzərdə tutur. Sərnişinlər üçün isə cərimənin məbləği 30 manatdır.

Amma ətraf mühiti çirkləndirməyin məsuliyyəti təkcə cərimə ilə bitmir. Bu, eyni zamanda kommunal xidmət əməkdaşlarının iş yükünü artırmaqla yanaşı, həm də mədəniyyətsizliyin göstəricisi hesab olunur.