Azərbaycan Qiymətləndiricilər Cəmiyyətinin ilin yekunlarına həsr olunan hesabat toplantısı - Baku TV

Azərbaycan Qiymətləndiricilər Cəmiyyətinin 2025-ci ilin yekunlarına həsr olunan hesabat toplantısı, eyni zamanda 31 Dekabr – Dünya Azərbaycanlılarının Həmrəyliyi Günü və Yeni il münasibətilə tədbir keçirilib.

Tədbirdə dövlət və qeyri-hökumət təşkilatlarının nümayəndələri, Milli Məclisin deputatları, həmçinin media qurumlarının təmsilçiləri iştirak ediblər.

Tədbirdə çıxış edən Qiymətləndiricilər Cəmiyyətinin sədri Vüqar Oruc bildirib ki, qurumun əsas məqsədi ölkədə qiymətləndirmə fəaliyyətinin şəffaflığının artırılması, peşəkar kadr potensialının gücləndirilməsi və iqtisadi qərarların qəbulunda qiymətləndirmə institutunun rolunun daha da möhkəmləndirilməsidir.

Eyni zamanda, digər çıxış edənlər qiymətləndirmə fəaliyyətinin ölkə iqtisadiyyatında əhəmiyyətindən danışıblar.

Bildirilib ki, daşınmaz əmlak, bank sektoru, investisiya mühiti və sahibkarlığın inkişafı baxımından peşəkar qiymətləndirmə mexanizmləri mühüm rol oynayır.

Tədbirdə həmçinin ölkədə qiymətləndirmə sahəsinin inkişafına verdiyi töhfələrə görə bir sıra media qurumu təltif edilib. Mükafatlandırılanlar arasında “Baku TV” də yer alıb.