Azərbaycan Təhsil İşçiləri Azad Həmkarlar İttifaqı Respublika Komitəsinin II Məclisi keçirilib

Avqustun 22-də Azərbaycan Təhsil İşçiləri Azad Həmkarlar İttifaqı Respublika Komitəsinin II Məclisi keçirilib.

Məclisdə çıxış edən sədr Səttar Möhbalıyev bu quruma rəhbərlik etdiyi müddətdə görülmüş işlərdən danışıb.

Çıxışının sonunda o, işinin çoxluğunu nəzərə alaraq Təhsil İşçilərinin Azad Həmkarlar İttifaqının Respublika Komitəsinin Məclis, Rəyasət Heyəti üzvlüyündən və Respublika Komitəsinin sədrliyindən istefa verdiyini açıqlayıb. Onun istefası məclis üzvləri tərəfindən qəbul edilib.

Məclis üzvlərinin açıq səsverməsi yolu ilə keçirilən seçkidə Araz Paşayev Təhsil İşçilərinin Azad Həmkarlar İttifaqının yeni sədri seçilib.