Azərbaycanda daha 5 İran casusu saxlanıldı

Azərbaycanda İranın casus şəbəkəsinin ifşası istiqamətində əməliyyat-axtarış tədbirləri davam etdirilir.

“MOUZE” teleqram kanalının məlumatına görə, İranın molla rejiminə xidmət edən daha bir neçə nəfər saxlanılıb. Bunlar “Müsəlman Birliyi Hərəkatı”nın üzvü Fədail Şükürov, Şəmkir sakinləri – Yavər İsmayılzadə, Anar Şöhləyev, Vüsal və İlyas adlı şəxslər, eləcə də şəbəkə üzvlərinin “ustad ruhani” kimi təqdim etdiyi Neftçala rayonundan olan Siyasət Bağırovdur.

Lent.az-ın əldə etdiyi məlumata görə, adıçəkilən şəxslər həmçinin narkotik vasitələrin qanunsuz dövriyyəsində də təqsirli bilinirlər.