Azərbaycanın İctimai Televiziyası bu gün 19 yaşını qeyd edir

Bu gün – avqustun 29-u İctimai Televiziyanın (İTV) fəaliyyətə başlamasının 19 ili tamam olur.

İctimai Televiziyanın bütün proqramları milli-mənəvi dəyərləri, milli adət və ənənələri, mədəniyyət və incəsənətin bütün rəngarəngliyini özündə əks etdirir.

19 illik fəaliyyəti ərzində teleməkana bir çox yeniliklər gətirməyi bacaran İctimai Televiziya minlərlə tamaşaçının rəğbətini qazanıb.

Ölkə ərazisində 24 saat yayımlanan kanal Avropa Yayım İttifaqının üzvüdür. Televiziya dəfələrlə məşhur beynəlxalq telelayihələri Azərbaycan tamaşaçısına böyük peşəkarlıqla təqdim edib.

Hazırda İctimai Televiziyanın baş direktoru Balakişi Qasımovdur. O bu vəzifəni 2018-ci il mayın 11-dən icra edir.