Azərbaycanın uğurla ev sahibliyi etdiyi növbəti beynəlxalq tədbir - Baku TV

Azərbaycan növbəti beynəlxalq tədbirə ev sahibliyi edir.

Dünyanın müxtəlif ölkələrindən minlərlə iştirakçını bir araya gətirən Ümumdünya Şəhərsalma Forumunun 13-cü sessiyası (WUF13) informasiya baxımından da böyük maraq doğurur.

Forum çərçivəsində həyata keçirilən canlı yayımlar isə Baku TV-nin işinin əsas hissəsini təşkil edir. Gün ərzində müxtəlif nöqtələrdən edilən canlı yayımlar vasitəsilə izləyicilər tədbirin gedişi ilə bağlı ən son məlumatları operativ şəkildə əldə edirlər.

WUF13-ün keçirildiyi günlərdə Baku TV komandası tədbirləri operativ və hərtərəfli şəkildə işıqlandırır. Müxbirlər panel müzakirələri və rəsmi görüşlərdən reportajlar hazırlayır, yerli və xarici ekspertlərlə, həmçinin dövlət rəsmiləri ilə eksklüziv müsahibələr təqdim edirlər.

Təkcə kamera önündə deyil, pərdəarxasında da gərgin iş prosesi davam edir. Hazırlanan materiallar redaksiyaya göndərilir, redaktorlar isə görüntüləri nəzərdən keçirərək məlumatların dəqiqliyini yoxlayırlar. Daha sonra görüntülər montaj otağında peşəkar şəkildə işlənir. Son texniki düzəlişlər tamamlandıqdan sonra sujetlər izləyicilərə təqdim olunur.

Qeyd edək ki, Baku TV-nin məqsədi dünyanın diqqət mərkəzində olan bu tədbiri izləyicilərə ən dolğun və operativ şəkildə çatdırmaqdır.