Bakıda "Viva La Vida" adlı beynəlxalq konqres keçiriləcək
Azərbaycanın Xalq artisti Emin Ağalarov 2023-cü ilin martın 16-sı və 17-də Bakıda ilk dəfə keçiriləcək “Viva La Vida” adlı Beynəlxalq Konqres və Sərgi ilə bağlı müraciət edib.
Sənətçi hər kəsi konqresdə iştirak etməyə çağırıb: “Hamınızı dünyanın ən yaxşı həkimlərindən və alimlərindən cavab və tövsiyələr, həmçinin ən son qocalma əleyhinə texnologiyalar haqqında məlumat almağa dəvət edirəm. Martın 15-də iştirakçılar üçün dənizkənarı “Sea Breeze” istirahət mərkəzinin ərazisində, “Event Hall”da xüsusi proqram və şam yeməyi təşkil olunacaq”.
Qeyd edək ki, “Baku Marriott Bulvar Hotel”də baş tutacaq konqresdə sağlamlıq mütəxəssisləri, effektiv həllər təklif edən şirkətlərin nümayəndələri və uzunömürlüyün sirlərini öyrənmək istəyənlər iştirak edə bilərlər. Uzunömürlülük üzrə “Viva La Vida” beynəlxalq konqres və sərgisində iştirak etmək üçün əvvəlcədən qeydiyyatdan keçmək vacibdir.
![icon](/images/loading.png)