Biz sakitlik istəyirik | Hansı avtobus sürücüsü sərnişinlərə Bayram Kürdəxanlını dinlətdi? - Baku TV

Sosial şəbəkələrdə 67 nömrəli marşrut xətti üzrə hərəkət edən avtobusun sürücüsü tərəfindən nəqliyyat vasitəsində meyxana səsləndirilməsi ilə bağlı videogörüntülər yayılıb.

Baku TV məsələ ilə bağlı vətəndaşların fikrini öyrənib.

“Avtobusda səssizlik olmalıdır. Ola bilər, kiminsə başı ağrıyır, sakitlik istəyir. Başqası isə musiqi dinləmək istəyə bilər. Məsələn, mənim kimi insanlar avtobusda sakitliyə üstünlük verirlər”, – sərnişinlərdən biri deyib.

Avtobusun dəstə rəisi Qurban Bağırov isə bildirib ki, görüntülərdəki avtobusun 67 nömrəli marşruta aid olduğu təsdiqlənməyib:

“Mən də baxdım, araşdırdım. Həmin avtobusun 67 nömrəli marşruta aid olduğu məlum deyil. Şərhləri də oxudum. Bəziləri yazıb ki, 211 nömrəli avtobusdur, bəziləri isə 67 nömrəli olduğunu qeyd edib. Nömrə tam təsdiqlənməlidir. Əgər həmin şəxs bizim sürücüdürsə, onunla bağlı tədbir görüləcək, töhmət veriləcək və ya xəbərdarlıq olunacaq. Əlbəttə, belə musiqilərin səsləndirilməsinə icazə verilmir”.