“Baku TV” çəkdi, polis hərəkətə keçdi | Motosikletçilərin əyləncəsi belə bitdi

Baku TV-yə ünvanlanan şikayət əsasında Xırdalan şəhəri və Masazır qəsəbəsi, Əliağa Vahid küçəsində motoskilet sürücülərinin sakinlərə yaşatdığı narahatlığı çəkib işıqlandırdıq.

Yaşanan problemlə bağlı aidiyyəti qurum qısa zaman ərzində cavab tədbiri gördü.

Belə ki, gecə saat 1-2 demədən yollarda sağ-sol edən motosiklet sürücülərinin ikitəkərli əyləncəsi Baş Dövlət Yol Polisi İdarəsinin Abşeron rayonundakı xüsusi mühafizə olunan duracağında bitdi.

Qeyd edilən ərazidə Dövlət Yol Polisi tərəfindən sürücülük hüququ olmadan dövlət qeydiyyat nişansız və nəqliyyat vasitəsinin işlənmiş qazları xaric etmə sisteminə müdaxilə edərək vətəndaşların haqlı narazılığına səbəb olan 50-dən çox motosiklet və moped sürücüsü aşkarlanaraq barələrində qanunamüvafiq tədbirlər görülüb.