Bayram günləri xətlərə neçə reys əlavə olundu? | AYNA-dan açıqlama

“Gücləndirilmiş rejim müddəti 26 mart daxil olmaqla davam edəcək. Respublika ərazisində fəaliyyət göstərən bütün vağzalların daşıyıcılarına sərnişinlərə keyfiyyətli və davamlı nəqliyyat xidmətinin göstərilməsi ilə bağlı tapşırıq verilib”.

Bu barədə Azərbaycan Yerüstü Nəqliyyat Agentliyinin mətbuat katibi Tural Orucov məlumat verib.

“Bakı Beynəlxalq Avtovağzal Kompleksinin ərazisində nəqliyyat mübadilə mərkəzi fəaliyyət göstərir. Buradan da 24 saat ərzində xəttə çıxan bütün avtobuslara nəzarət olunacaq. Sərnişin tələbatına uyğun olaraq xətlərə əlavə nəqliyyat vasitələri buraxılacaq. İlkin mərhələdə xətlərə 150-dən çox nəqliyyat vasitəsinin buraxılması nəzərdə tutulub”, – o qeyd edib.