Binadakı artırmalar sakinləri ilə birgə sökülür?

Bakı şəhəri, Nizami rayonu, Ordubadi 1 ünvanında yerləşən dördmərtəbəli binanın sakinləri mənzillərinin artırmalarının təzminat ödənilmədən sökülməsinə etiraz edirlər.

Onların sözlərinə görə, yaşadıqları mənzillərin önündə təxminən 30 il əvvəl artırmalar ediblər. Bu günlərdə isə sözügedən yaşayış binası plana düşüb və yerində yeni binanın tikintikisi nəzərdə tutulub. Ancaq bina tam boşaldılmadan həmin artırmaların sökülməsi və onlara görə hər hansı təzminat vədinin verilməməsi sakinləri narazı salıb.