Dələduzluqda ittiham olunan məşhur müğənninin vəkilindən açıqlama

Dələduzluqda ittiham olunan müğənni Rəqsanə İsmayılova özünü təqsirkar hesab etmir.

Müğənninin vəkili İlqar Rüstəmov bunu Baku TV-yə açıqlamasında deyib.

“Mən də onu müdafiə edən vəkil kimi bildirirəm ki, Rəqsanə xanımın heç bir təqsiri yoxdur”, − deyə o bildirib.

Qeyd edək ki, müğənni Rəqsanə İsmayılova iki nəfər zərərçəkən şəxsin ümumilikdə 35 000 manat dəyərində qızıl-zinət əşyalarını və 520 000 ABŞ dolları məbləğində pulunu ələ keçirməkdə ittiham olunur.

Qeyd olunan faktlarla bağlı Sabunçu Rayon Polis İdarəsində Cinayət Məcəlləsinin xüsusilə külli miqdarda ziyan vurmaqla dələduzluq etmə maddəsi ilə cinayət işi başlanılıb və R.İsmayılova təqsirləndirilən qismində saxlanılaraq istintaqa cəlb olunub. Onun barəsində məhkəmənin qərarı ilə 4 ay müddətində həbs qətimkan tədbiri seçilib.