“Deyirdi ki, mənə heç nə olmayacaq...” | Şəhid Polis Asim Camalzadənin həyat hekayəsi

Şəhadətə ucalmaq polis Asim Camalzadənin ən böyük arzusu olub.

O, lokal antiterror əməliyyatlarında Xocavənd rayonunda mina partlaması zamanı şəhid olub.

Asim Camalzadə 2016-cı ildən etibarən Daxili İşlər Nazirliyinin Əlahiddə Çevik Polis Alayında xidmət etməyə başlayıb. Cəsurluğu, mərdliyi ilə xidmət sahəsində hər zaman fərqlənib.

Şəhid polisin anası Xədicə Camalova övladının şəhadətə ucaldığı günü göz yaşları ilə xatırlayıb:

“Oğlum sentyabrın 23-də keçirilən antiterror əməliyyatı zamanı səkkiz iş yoldaşı ilə birlikdə şəhid oldu. İşə gedəndə hər dəfə arxasınca su atardım. Amma həmin gün görüşmədik, su da atmadım. Zəng edib deyirdi ki, mən polisəm, mənə heç nə olmaz. O qədər tərbiyəli, o qədər ağıllı idi ki... Axırıncı şəklini qızımın evində çəkdirmişdi. Dedi ki, bir də qocalanda çəkdirərəm”.