Eyyub Hüseynovun məntiqsiz adlandırdığı qanun: hüquqlarımız pozulur?

Qanunvericiliyə görə, alınan malların 14 gün ərzində qaytarılması və ya dəyişdirilməsi mümkündür. Bunun üçün ilk növbədə məhsulun alınmasını göstərən kassa qəbzi olmalıdır. Lakin müəyyən mallar var ki, dəyişdirilmir.

Hüquqşünas Hikmət Əliyev qaytarılması mümkün olmayan məhsullara aydınlıq gətirib:

“Qiymətli metallar, istehsal qüsurları istisna olmaqla bütün növ parçalar, ölçü ilə satılan mallar, kosmetik vasitələr, gigiyena əşyaları, uşaq oyuncaqları və s”.

Ekspert Eyyub Hüseynov bu sahədə qanunvericiliyin ədalətli olmadığını deyir.

“Müştəriyə saxta bahalı üzük satmışdılar. Qaytarmaq və dəyişmək problem olmuşdu. Bu, ədalətsizlikdir. Məsələn kitab dəyişdirilən məhsullar sırasındadır, amma qızıl yox. Burada qanuni olub, məntiqi olmayan amillər var”, – E.Hüseynov vurğulayıb.