Falçıların şeytanın ağlına gəlməyəcək fırıldaqlığı | “Həm pulumuz gedir, həm də...”

Son vaxtlar bəxtini sosial şəbəkələrdə axtaranlar çoxalıb.

Bu gün sosial şəbəkə müştəri ovuna çıxan falçıların işini xeyli asanlaşdırıb. Həm birbaşa təmas olmadan, həm də eyni anda bir neçə nəfəri tora salmaq imkanı qazandırdıqca qazandırır.

Bəziləri üçün bu, sadəcə, əyləncə təəssüratı yaratsa da, əslində, açıq-aşkar dələduzluq faktıdır.

Baku TV mövzu ilə bağlı paytaxt sakinləri arasında sorğu keçirib. Vətəndaşlar arasında fal baxdırdığını deyənlər də olub, inanmadığı üçün uzaq durduğunu bildirənlər də.

“Heç vaxt fal baxdırmamışam. Adamın həm pulu gedir, həm də boş yerə xəyal qurursan”, – sakin deyib.

Psixoloq Aygül Məlikova isə Baku TV-yə açıqlamasında bildirib ki, bu məsələnin altında yatan səbəb həmin insanların sərbəst düşünmə qabiliyyətinin olmamasıdır. Düşüncələrini həyata keçirməkdə cəsarət göstərə bilməyəcəklərindən qorxurlar.