Hüquqşünas: Haqsız insanları da müdafiə etmişəm

“Haqsız olan insanları da müdafiə etmişəm”.

Bunu Baku TV-yə müsahibəsində hüquqşünas Hikmət Əliyev deyib.

O qeyd edib ki, vəkilin hər hansı bir şəxsin hüquqlarını müdafiə etməsi üçün onun haqlı olması mütləq şərt deyil: “Haqsız olan insanların da hüququnun müdafiəyə ehtiyacı var”.

H.Əliyevin sözlərinə görə, bu mövzu ilə bağlı cəmiyyətdə yanlış düşüncə formalaşıb: “Əksəriyyət düşünür ki, vəkillər həmin insanların şəxsiyyətlərini müdafiə edir. Amma belə deyil. Vəkillər onların hüquqlarını müdafiə edir”.