İcra başçısı bayram münasibətilə şəhid ailələri ilə görüşüb

İsmayıllıda 8 Mart – Beynəlxalq Qadınlar Günü münasibətilə Rayon İcra Hakimiyyətinin başçısı Nahid Bağırov, hüquqi mühafizə orqanlarının rəhbərləri, I və II Qarabağ müharibəsi şəhidlərinin doğmaları ilə görüşüb.

Nahid Bağırov ərazilərimizin bütövlüyü uğrunda yüzlərlə İsmayıllı gəncinin qəhrəmanlıqla döyüşdüyünü, adları Vətən tarixinə qızıl hərflərlə yazılan şəhidlərimizin daim hörmət və ehtiramla yad edildiyini vurğulayıb. Rayon rəhbəri vətənpərvər, şücaətli övladlar böyütdüklərinə görə şəhid analarına təşəkkürünü bildirib.

Çıxış edən şəhid anaları göstərilən qayğıya görə minnətdarlıqlarını bildiriblər.

8 Mart – Beynəlxalq Qadınlar Günü münasibətilə keçirilən görüşdə xüsusi olaraq şəhid anaları üçün hazırlanmış ismət rəmzi olan kəlağayı hədiyyə olunub.