İsmayıllı-Lahıc yolu bağlandı: sürücülər yolda qaldı

İsmayıllıda yağan güclü yağış sel gətirib. Sel rayonun bir neçə kəndində və Lahıc qəsəbəsində fəsadlara səbəb olub.

Hadisə nəticəsində təsərrüfatlar dağılıb, o cümlədən bir neçə iri və xırdabuynuzlu heyvanlar tələf olub. Həmçinin ətrafdakı istirahət mərkəzlərinə, nəqliyyat vasitələrinə və çay kənarındakı yaşayış evlərinə ziyan dəyib.

Bundan başqa, İsmayıllı-Lahıc yolu bağlanıb. Hazırda yola tökülən qaya parçaları təmizlənərək hərəkət bərpa olunub.